Hillary Clinton ka mbajtur edhe një fjalë të shkurtër para të pranishmëe, duke mos i kursyer edhe fjalët e mira kreun e qeverisë shqiptare.
Ish-sekretarja amerikane e Shtetit, Hillary Clinton i ka dhënë një çmim kryeministrit Edi Rama me motivacionin për strehimin e afganëve në Shqipëri. Gjatë ceremonisë së sotme, Hillary Clinton ka mbajtur edhe një fjalë të shkurtër para të pranishmëe, duke mos i kursyer edhe fjalët e mira kreun e qeverisë shqiptare. Ndërsa ky i fundit, gjithashtu mbajti një fjalim të gjatë para të pranishmëve, ndërsa shtoi se nuk e priste një nderim të tillë. Ndër të tjera, Rama gjatë fjalës së tij nuk i kurseu as batutat, duke shkaktuar të qeshura në sallë.
Hilary Clinton: Çfarë mbrëmjeje e jashtëzakonshme dhe frymëzuese. Më kujtohet kur filluam Vital Voice me shpresën se do të arrinte ku është sot. Një nga ata lider që shtrinë dorën për afganët ishte Edi Rama. Ai hapi dyert e Shqipërisë për njerëzit nga Agfanistani. Më shumë se 1000 afganë janë të sigurtë. Kur e mora në telefon kryeministrin për ta falënderuar për këtë angazhim të jashtëzakonshëm, ai u përgjigj shumë natyrshëm “po çfarë tjetër duhet të kishim bërë”. Do doja të kishte më shumë udhëheqës me këtë lloj qasjeje. Por kjo nuk është e vetmja arsye që ai nderohet sonte. Pas rizgjedhjes së tij, në shtator, Kryeministri Rama shënoi një rekord historik duke emëruar numrin më të madh ndonjëherë në Shqipëri të grave në qeverinë e vendit. Mbi 70 për qind e ministrave të kabinetit të tij qeveritar janë gra dhe disa prej tyre gjenden këtu këtë mbrëmje – partnere të barabarta në përpjekjen për të formësuar vendin të cilit i shërbejnë. Ai vazhdon ta vendosë barazinë gjinore në qendër të agjendës së qeverisë së tij dhe të ngrejë zërin kundër dhunës gjinore dhe krah forcimit të pjesëmarrjes ekonomike të gruas shqiptare. Në një kohë kur në mbarë globin tonë të drejtat dhe siguria e grave janë në momente të vështira, angazhimi i Kryeministrit Rama për të çuar përpara mirëqenien, mundësitë në Shqipëri dhe për afganët e të tjerët duhet të na frymëzojë të gjithëve për të vepruar. Kësisoj, në emër të Vital Voices, kam nderin e madh t’jap Çmimin e Pionierit Global Kryeministrit Edi Rama.
Edi Rama: Duhet të them se sa i përket zërit jetik në familjen time, Lindës, modestia nuk është pika ime e fortë. Jam pak në siklet që marrë këtë çmim. Më duket si një shenjë alarmuese e botës që po jetojmë dhe mungesës së arsyetimit të thjeshtë. Dikush më tha se sekretarja Clinton ka nevojë për ndihmën tëndë. Unë thashë si ka mundësi? Edhe ai më tha, po ishte një ‘ai’, për organizatën, edhe unë i thashë hajde ta bëjmë. I thashë hajde ta bëjmë, nëse i kujtohet le të më telefonojë. Se është shumë amerikane, të joshin e pastaj të thonë, kush je? Por më telefonoi. Ishte nder i madhe. Të kesh mbiemrin Clinton në Shqipëri është nder i madh. Sot ka djem me emrin Clinton, madhe dhe Bill Clinton. Ne ishim afganët 30 vite më parë. Ishim Koreja e Veriut e Europës.
