Një statujë e mbretit të Belgjikës, Leopold II, i cili u bë jashtëzakonisht i pasur nga skllavërimi i popullit kongolez në fund të shekullit 19-të dhe fillimit të shekullit të 20-të, u hoq nga qyteti i Antwerp në Belgjikë në kuadër të lëvizjes për të hequr monumentet e figurave raciste, që po fiton vrull në të gjithë globin.
Statuja e mbretit Leopold II, i cili mbikëqyri vrasjen masive të 10 milion kongolezëve, ndërsa akumulonte pasuri nga puna e tyre në plantacionet e kauçukut është hequr nga Sheshi Antwerp nga qeveria pasi u pikturua nga protestuesit të martën.
Zyrtarët në Teksas hoqën një statujë të Kapitenit të Texas Rangers Captain Jay Banks nga Aeroporti Ndërkombëtar i Dallasit të martën për shkak të historisë së racizmit dhe brutalitetit të Texas Rangers për njerëzit e zezë dhe latino.
Të dielën, protestuesit rrëzuan një statujë të tregtarit të skllevërve Edward Colston dhe e hodhën atë në portin Bristol të Anglisë.
Kryetari i Bashkisë së Londrës, Sadiq Khan tha të martën se statujat në Londër, të cilat kanë lidhje me skllavërinë “duhet të prishen” dhe ka ngritur një komitet për të shqyrtuar monumentet e qytetit për t’u siguruar që ato pasqyrojnë diversitetin.
Javën e kaluar monumentet e Konfederatës në Alexandria dhe Richmond, Virginia dhe Birmingham, Alabama, burime historike të polemikave, u hoqën pasi u shënjestruan nga protestuesit.
Sipas BBC, shkolla Colston dhe holli i muzikës Colston Hall, të dy të emërtuar pas Edward Colston, anëtari i Royal African Company Company, i cili transportoi rreth 80,000 afrikanë dhe i shiti si skllevër në Amerikë, do të riemërtohen./Forbes
