Ishte e çuditshme për këdo që ndjek politikën dhe zhvillimet nëpër botë, kontrolli i FBI-së në shtëpinë e presidentit Donald Trump.
Bastisja ndodhi në orët e para të mëngjesi dhe qindra punonjës të FBI-së zbarkuan në rezidencën e Trump pa paralajmërim e pa asnjë fakt që mund të gjenin brenda ndërtesës, për verifikim.
Kontrolli solli edhe një valë zemërimi tek mbështetësit e presidenti Trump, por edhe anëtarët dhe drejtuesit politik të Partisë Republikane amerikane.
Shtetet e Bashkuara të Amerikës shikohen kudo, si vendi i një demokracie ‘të kulluar’. Por të trajtosh presidentin tënd në një aksion që më shumë dukej sikur ishin duke kërkuar një personash të terrorit apo ndonjë trafikant droge, duke një gjë e turpshme për ata që e shikonin nga brenda SHBA-së dhe e çuditshme për ne që e shikonim nga jashtë.
Nuk kishte ndodhur ndonjëherë që FBI-ja mësynte në shtëpinë një ish-presidenti.
Të përdoresh në lajme, për të justifikuar kontrollin, fjalë dhe fjali që përmbanin brenda ‘spiun’, apo tradhti është shumë e rëndë për këtë “demokraci” që vetëm para disa vitesh, nëse do të ishte një shtet ashtu asnjanës duhej të vepronte njësoj.
Flasim këtu për skandalin ku u përfshi Hillary Klinton, ku dolën mijëra emaile të saj dhe provat dhe kushtet për një kontroll në rezidencën e ish-presidentit Klinton ishin të gjitha, por FBI-ja as nuk e mendonte këtë gjë, edhe pse kishte mjaft fakte…
Kurse në rastin e Donald Trump, jo vetëm u bë një kontroll i turpshëm, por edhe me publicitet.
Kontrolli në rezidencën e Trump duket më shumë si gjueti shtrigash dhe teori Konspirative-politike. Kishte kohë mjaftueshëm, por u kujtuan pas 2 vitesh që iku nga zyra e Presidentit të SHBA-së për ta sulmuar.
Por duket se aksioni është koordinuar edhe me politikën demokrate që është në qeverisje në SHBA.
Donald Trump ka muaj që zhvillon takime të mëdha nëpër Amerikë dhe ka treguar se kërkon të rikandidojë sërish për Presidencën, dhe ky fakt i ka shqetësuar kundërshtarët e tij jo vetëm në Partinë Demokratike të SHBA, por edhe në atë Republikave.
E pikërisht ky aksion ishte një shkak për të denigruar e ndoshta edhe akuzuar në mënyrë të pakuptimtë atë, duke i penguar kandidimin për President të SHBA.
/Helidon Kastrati
