Imazhe nga sete fotografike apo foto të kapura thjeshtë rastësisht, yjet e Hollivudit tërheqin gjithnjë vëmendje. E kur bëhet fjalë për imazhet më pikante të tyre, fotografi i njohur Greg Williams, Ish-fotografi i luftës i ka mbledhur të gjitha në librin e tij “Historitë prapa 100 portreteve”.
Ja pesë imazhet më ikonike dhe historitë që qëndrojnë pas tyre:
“Kjo foto e Joaquin Phoenix dhe Rooney Mara është bërë në natën e Oscars, pikërisht pasi Joaquin kishte fituar çmimin aktori më të mirë për ‘Joker’. “Historia në këtë foto, për mua, është një histori dashurie. Ju keni dy njerëz që e adhurojnë qartë njëri-tjetrin dhe të cilët, pavarësisht nga fama e tyre e madhe, janë vërtet me këmbë në tokë dhe më të lumtur në shoqërinë e njëri-tjetrit, Rooney ka hequr takat e larta dhe ka veshur Converse. Dhe ja ku ata thjesht po hanë këto burgerë vegan”, thotë Williams.
Kjo është një pamje e Cate Blanchett në Festivalin e Filmit në Venecia 2020. Këtu nuk ka ndriçim të veçantë. Nuk është gjë tjetër veçse dielli.
“Kam shkrepur këtë foto të Willem Dafoe në Festivalin e Filmit në Venecia. Ne ishim në këtë oborr hoteli, i cili ishte shumë i bukur, por nuk ofronte asgjë. Willem tha, ‘E kuptoj. Gjithçka duket e mrekullueshme, por nuk është ajo që dëshiron’. Kështu që ne kërkuam diçka për të bërë. Dhe aty ishte ky shatërvan i vogël dhe ai tha, ‘Oh, unë mund të luaj me këtë.’ Kështu që ai filloi të luante me ujin. Ndoshta e ka bërë 20 herë: spërkatje, spërkatje, spërkatje. Dhe kjo është fotografia e vetme që ka tejkaluar të gjitha të tjerat. Është kjo kthesë e bukur ku pikat e ujit e kornizojnë fytyrën e tij në mënyrë të përsosur”, tregon fotografi.
“Kjo është Kate Winslet duke qëndruar në oqean dhe është padyshim një nga fotot e mia të preferuara nga dy vitet e fundit. Nuk jemi shumë larg nga vendi ku ajo jeton dhe shkuam për një shëtitje në plazh. Të dyve na pëlqente fakti që në atë kohë, kjo foto do kërkonte qindra asistentë, ekipe të efekteve speciale, njerëzit do të kishin sjellë makina shtesë për t’u siguruar që deti ishte me shumë valë. Por këtu ne e bëmë foton me vetëm një shkrepje dhe vetëm me ndihmën e burrit të saj”, thotë Williams.
“E bëra këtë fot kur Olivia Colman po promovonte ‘The Crown’. Ashtu si me shumë nga fotot e mia të preferuara, xhirimet kishin përfunduar. I kishim blerë të gjitha këto kurora për xhirimet dhe ajo tha: ‘O Zot, vajza ime do t’i pëlqente ato.’ I thashë të merrte sa të donte. Më pas ajo e vendosi një në kokë, dhe më pas një në fytyrë, dhe unë thjesht po qeshja, duke e inkurajuar. Sapo ngrita aparatin tim, i gjithë momenti mbaroi në sekonda. Mësimi për këdo që përpiqet të bëjë fotografi që kanë këtë lloj gëzimi është: Nuk ka mbaruar derisa të gjithë të largohen nga ndërtesa. Asnjëherë nuk e dini se nga do të vijë momenti më autentik”, tregon Williams.
Marrë nga CNN
