Burrat homoseksualë dhe biseksualë në Britani nuk po lejohen të marrin pjesë në testimin e plazmës së gjakut për zbulimin e një trajtimi kundër koronavirusit.
Organet shëndetësore britanike janë duke kërkues dhurues të plazmës nga pacientët e shëruar nga virusi që ajo të përdoret në testimet për efektin e mundshëm ndaj sëmundjes së re.
Më herët është raportuar se 6,500 persona të shëruar tashmë janë regjistruar në listën e të interesuarve për ta dhuruar plazmën, shkruan “Daily Mail”.
Megjithatë, sipas rregullave që i zemëruan dhuruesit e mundshëm, burrat homoseksualë dhe biseksualë nuk do të kenë të drejtë ta dhurojnë plazmën, me përjashtim të atyre që nuk kanë pasur marrëdhënie intime në tre muajt e fundit.
Andy Roberts, menaxher i kujdesit intenziv, tha se ndonëse ka qenë i infektuar me koronavirus dhe është shëruar, nuk është lejuar të bëhet dhurues i plazmës së gjakut.
Institucionet e transfuzionit të gjakut në Angli thanë se vendimi për përdorimin e udhëzimeve rreth përzgjedhjes së dhuruesve të plazmës është marrë me qëllim të mbrojtjes së dhuruesve dhe marrësve të saj.
