Kryeministri i Kosovës, Avdullah Hoti, është shprehur i lumtur në prag të takimit në Qeveri me delegacionin e Qeverisë së SHBA-së, duke thënë se ajo e thellon miqësinë Kosovë-SHBA.
Takimi, fillimisht i paraparë për orën 18.30, nis në orën 17.45, ka bërë të ditur Zyra e Kryeministrit pak para fillimit të tij.
“Shumë i lumtur që sot po i pres në vizitë ambasadorin Richard Grenell, e kryeshefin Ekzekutiv të Korporatës Ndërkombëtare të Financave të Zhvillimit të SHBA-së, Adam Boehler, bashkë me një delegacion të lartë të qeverisë amerikane. Kjo vizitë është shumë e veçantë dhe do të thellojë edhe më tej miqësinë Kosovë-SHBA”, ka shkruar Hoti në Facebook.
