Zëvendëskryeministri i Kosovës, Enver Hoxhaj është deklaruar rreth marrëveshjeve të fundit që ka bërë Serbia me Francën për blerjen e armatimit dhe sistemeve ajrore raketore.
Hoxhaj përmes një shkrimi në rrjetin social Twitter ka thënë se Serbia po vazhdon të pretendojë se ushtarakisht është neutrale, mirëpo po e tregon të kundërtën.
“Serbia vazhdon të pretendojë që është ushtarakisht neutrale, por po e tregon të kundërtën. Kush po e kërcënon Serbinë kaq shumë, sa që i duhet të blejë armatim të ri nga Franca dhe të tjerët, e t’i rrisë sistemet e mbrojtjes ajrore? Armatosja e Serbisë është një kërcënim i ri për rajonin”, ka shkruar Hoxhaj në Twitter.
