Autori i dyshuar i sulmit në tregun e Krishtlindjeve në Gjermani ndodhet përpara gjykatësve, për tu përballur me akuzat e ngjarjes së rëndë.
51-vjeçari Taleb A., emigrant nga Arabia Saudite, I mori jetën gjashtë personave dhe plagosi më shumë se 300 të tjerë.
Detaje të reja janë zbuluar nga ngjarja e rëndë, teksa gjykata ka treguar se si ndodhi ngjarja e dhjetorit të kaluar, duke zbuluar kështu detaje të reja.
Autori me një makinë BMW me qira me shpejtësi deri në 48 km/orë (29 mph) hyri përmes tregut në qendër të Magdeburgut më 20 dhjetor 2024.
Prokurorët thonë se sulmi ndodhi në orën 19:02 sipas kohës lokale, kur tregu ishte i mbushur me festues të Krishtlindjeve dhe zgjati vetëm një minutë e katër sekonda.
“Nuk ishte nën ndikimin e alkoolit ose substancave të ngjashme gjatë kryerjes së sulmit dhe me sa duket veproi nga pakënaqësia e frustrimi për rrjedhën dhe rezultatin e një mosmarrëveshjeje civile dhe dështimin e padive të ndryshme penale. Qëllimi i tij duket se ka qenë të vriste një numër të pacaktuar njerëzish. Ai e planifikoi dhe e përgatiti krimin në detaje gjatë disa javësh pa ndihmën e bashkëpunëtorëve“, thuhet në raportimin e prokurorisë.
51-vjeçari, do të paraqitet në gjykatën rajonale të Magdeburgut i akuzuar për vrasjen e gjashtë personave, një djali nëntëvjeçar dhe pesë grave të moshës midis 45-75 vjeç.
Ai akuzohet gjithashtu për tentativë vrasjeje në lidhje me 338 persona të tjerë. Nëse shpallet fajtor, ai përballet me burgim të përjetshëm për vrasje.
