Mbrojtësi shqiptar i Napolit, Elseid Hysaj, i ka paralajmëruar bashkëlojtarët e vet te gjiganti italian se ata nuk guxojnë t’i përsërisin gabimet e njëjta si në fitoren kundër Sassuolos të shtunën edhe në ndeshjen e kthimit në 1/8 e finales në Ligën e Kampionëve muajin e ardhshëm.
Hysaj dhe Allan shënuan në triumfin 2:0 të Napolit, por Sassuolos iu anuluan plot katër gola nga VAR-i për pozitë jashtë loje.
Mbrojtësi i djathtë shqiptar u shpreh i lumtur me golin, por e pranoi se skuadra e tij bëri gabime dhe ishte me fat falë VAR-it, duke paralajmëruar se Barcelona do ta ndëshkojë nëse i bën gabimet e njëjta edhe ndaj saj.
“Jam shumë i lumtur për golin tim të parë, veçanërisht në fanellën e Napolit. Nuk pati tifozë në stadium, por e shijova gjithsesi. Këtë gol ia kushtoj familjes dhe shpresoj se do të shënoj më shumë në të ardhmen”, tha Hysaj për DAZN.
Ai shtoi: “Ne bëmë edhe gabime. Fatmirësisht pati VAR dhe ato u anuluan për pozitë jashtë loje. Por ne duhet të përmirësohemi dhe të mos rrezikojmë kaq shumë”.
“Barcelona luan futboll të njëjtë si Sassuolo, por natyrisht me më shumë cilësi, prandaj duhet të kemi kujdes për të përballemi me të në Ligën e Kampionëve”, nënvizoi ai.
