Me rastin e ditëlindjes së 40 të Zlatan Ibrahimovic, është publikuar edhe traileri për filmin “I am Zlatan”, i cili del në kinema nga 11 nëntori. Historia e rritjes dhe transformimit të një njeriu që shkoi nga periferitë e varfëra drejt suksesit. Futbolli ishte çlirimi i boshnjakut nga një mjedis i vështirë: talenti i tij i jashtëzakonshëm e bëri atë të luante në ekipe të tilla si Ajax Amsterdam, Juventus, Inter Milan, Barcelona, Paris Saint-Germain dhe Manchester United.
Filmi për Zlatan Ibrahimoviç i frymëzuar nga biografia e tij (Unë, Ibra) do ta ketë premierën në Stokholm më 10 shtator. Filmi është ndalur në disa nga pikat kryesore të karrierës së Ibrahimovic: goditjet e para të topit, ekipet e të rinjve te Malmö, suksesi me Ajax … Janë gjithashtu personazhe në film edhe disa nga figurat kryesore në rrugëtimin e Zlatan në botën e futbollit, të tillë si Mino Raiola (luajtur nga Emmanuele Aita) dhe Luciano Moggi, i cili e mori atë nga Heshtarët te Juventus në 2004. Aktorët që do të luajnë rolin e Ibra janë shqiptarët Dominic Bajraktari Andersson (për periudhën nga 11 deri në 13 vjet) dhe Granit Rushiti (për periudhën nga 17 deri në 23 vjet). Skenari i filmit është shkruar nga Jakob Beckman dhe David Lagercrantz dhe regjia është e Jens Sjorgen.
