Një 48-vjeçar nga Tepelena, i dënuar me 7 vjet e 4 muaj burg për trafik të lëndëve narkotike, është arrestuar nga policia greke në Aeroportin “Eleftheros Venizelos” të Athinës.
Mësohet se Ardian Gërbi nga Bënca e Tepelenës, është ndaluar mesditën e 29 nëntorit, por policia greke e ka bërë vetëm sot të ditur lajmin.
Sipas policisë greke, Gërbi rezulton se në vitin 2008, i ka shitur një tjetër personi 3 kg marjuanë dhe 290 gram kokainë.
Ardian Gërbi rezulton i dënuar me 7 vjet e 4 muaj burg dhe ndaj tij kanë nisur procedurat e ekstradimit drejt Shqipërisë.
