Një shqiptar, i cili po vuante dënimin në burg grek, është sulmuar me thikë në burgun e Malandrinos.
Bëhet me dije se, 46-vjecari Dhimitër Meci, i njohur me pseudonimin “Demos” u plagos pasditen e djeshme, menjëherë pas transferimit të tij në burgun e Malandrinos.
“Demos” rezulton i përfshirë në vrasjen e Yannis Lalas ngjarje e ndodhur në maj të 2025 dhe mbante marrëdhënie me Panagiotis Vlastos, një figurë e njohur e Mafias Greke.
Emri i tij është përfshirë në dosje voluminoze që lidhen me urdhër-vrasje, rrjete shantazhesh dhe plaçkitje të armatosura.
Dhimitër Meci akuzohet gjithashtu edhe si personi që kishte marrë përsipër vrasjen e një drejtuesi të lartë të policisë greke dhe të mafiozit grek Manolis Karagianis, i njohur si “Karaflas”, ngjarje këto të pakryera nga Meci.
