I veshur me rrecka dhe i lodhur, një burrë me ngjyrë shkoi duke çaluar në një kamp të Ushtrisë së Bashkimit në Baton Rouge, Louisiana.
Ishte marsi i vitit 1863, një kohë kur shumë amerikanë ende refuzonin ta pranonin realitetin e dhimbshëm të skllavërisë.
Prej dy vitesh, SHBA-ja ishte e përfshirë në një luftë civile gjatë së cilës Veriu ushqente pakënaqësi të konsiderueshme kundër njerëzve me ngjyrë, pavarësisht luftimeve të tij për të liruar skllevërit, ndërsa Jugu Konfederativ doli në përfundimin se lufta për t’u mbrojtur e “institucionit të veçantë”, siç u quajt skllavëria, ishte në thelb humane.
Burri i çalë që u fut në kamp hoqi këmishën dhe më pas asnjë nuk mund të mos e pranonte brutalitetin e skllavërisë.
I quajtur Gordon, ose “Pjetri i Fshikulluar” siç u njoh më vonë, ai ishte një skllav i arratisur që mbante plagët e tmerrshme të një kamxhiku të egër që për pak i kushtoi jetën.
Personazhi i tij do të luhet nga “ylli i rënë” i Hollivudit, Will Smith, ndërsa ky i fundit është i përfshirë në betejën e tij për shpëtim.
Aktori 54-vjeçar është shmangur nga industria e filmit dhe është përjashtuar nga çmimet Oscar për 10 vite, pasi ai doli në skenë gjatë ceremonisë së ndarjes së çmimeve marsin e kaluar dhe goditi me shuplakë prezantuesin dhe komedianin Chris Rock, i cili po bënte shaka me gruan e tij, Jada Pinkett Smith.
Emancipation, filmi i parë që ai luan pas skandalit, tani po shihet nga publiku si një përpjekje e pastër e tij për të fituar sërish zemërn e Hollivudit.
Bëhet fjalë për një film klasik të Will Smith-it, me një hero fisnik dhe të guximshëm që ngrihet në mbrojtje të gruas dhe fëmijëve të tij dhe miqve skllevër, kundër shtypësve të tyre të bardhë.
