Një 21-vjeçar shqiptar ka shkaktuar kaos nëpër rrugët e Italisë teksa refuzoi t’i nënshtrohej një kontrolli dhe i dha gaz makinës së tij duke drejtuar si i çmendur dhe rrezikuar kalimtarë dhe oficerë.
I dyshuari përpiqej t’i shpëtonte arrestimit pasi në mjet kishte një sasi kokaine. Aksioni u krye në zonën e San Sistos, teksa pas arrestimit gjatë ndjekjes së rrezikshme, iu gjetën tetë pako drogë të fshehura në sedilen e shoferit.
Gjykata e Peruxhias konfirmoi arrestimin e të riut. Ngjarja ndodhi në një nga zonat më të mbipopulluara, me shoferët e tjerë që u detyruan të frenonin dhe ndalonin për të shmangur përplasjet e dhunshme.
Ndjekja zgjati vetëm disa qindra metra. Oficerët arritën ta ndalonin automjetin pa asnjë përplasje dhe menjëherë e kontrolluan të riun.
Droga u gjet e futur në një paketë cigaresh, një metodë kamuflimi kjo nga shpërndarësit e lëndës narkotike.
Avokati i shqiptarit po përpiqet të kërkojë një masë të butë sigurie, ndërsa prokuroria po heton për rrjetin e bashkëpunëtorëve.
