Një gruas as që i është trembur syri pavarësisht se një burrë nxori revolen nga brezi dhe ia drejtoi në ballë, në mes të ditës në një lagje të banuar në Britani të Madhe.
Videoja e filmuar në Bradford të West Yorkshire, ka kapur momentin kur një grua që nuk njeh për frikë, i vërsulet dy persona ku njëri prej tyre ia kishte drejtuar revolen.
Ajo madje tenton t’ia largojë revolen, e agresori në një moment tërhiqet dhe largohet nga vendi i ngjarjes kokë ulur dhe i turpëruar.
Megjithatë, zëdhënësi i policisë në West Yorkshire, ka konfirmuar se revolja ishte një kopje lodër e cila disa orë më vonë është konfiskuar nga një patrullë e policisë.