India tani është shtëpia e urës më të lartë hekurudhore në botë. Rreth 35 metra më e lartë se Kulla Eifel, ura ndodhet 359 metra mbi lumin Chenab që ndodhet në Kashmir.
Pas dekadash ndërtimi, ura në veri të Indisë pritet të hapet për vizitorët deri në fund të dhjetorit 2023, ose në janar 2024.
Ura 1,315 metra e gjatë është pjesë e një projekti për ta bërë Luginën e Kashmirit të aksesueshme nga rrjeti hekurudhor indian.
Për kryeministrin e Indisë, Narendra Modi investimet në infrastrukturë mund të shihen si një mjet i fuqishëm për integrimin social dhe politik duke lidhur rajone të ndryshme me qytetet kyçe, raporton CNN.
Ekspertët thonë se lidhja e Kashmirit me pjesën tjetër të Indisë me tren do të nxisë në mënyrë specifike sektorët industrialë dhe bujqësorë të rajonit duke lejuar lidhjen hekurudhore midis luginës dhe pjesës tjetër të Indisë.
