Sulmuesi i njohur, Ciro Immobile do t’i mungoj Italisë në ndeshjen vendimtare ndaj Zvicrës, është bërë e ditur të martën mbrëma. Immobile ka pësuar lëndim të pulpës dhe në vend të tij është ftuar Gianluca Scamacca.
Italia e Zvicra takohen të premten në Romë. Ndeshja është vendimtare për kualifikim në Botërorin e vitit të ardhshëm. Italia e Zvicra i kanë nga 14 pikë në grupin C të kualifikimeve.
Më 15 nëntor, Italia është mysafire e Irlandës së Veriut, ndërsa Zvicra e pret Bullgarinë. Kështu që fituesi i ndeshjes në Romë me shumë mundësi do të kualifikohet direkt në Botëror. Ndërkohë humbësi shkon në plejof. Immobile është pritur të startojë në vijën e parë të sulmit në formacionin 4-3-3 të Roberto Mancinit. Por ai ka pasur telashe në pulp dhe nuk do të jetë në dispozicion. Ai ka lëshuar qendrën stërvitore pas testimeve të bëra për lëndimin muskulor. I veçuar ka ushtruar Nicolo Barella, pas një lëndimi që e pësoi në fundjavë.