Avioni që transportonte Sekretarin e Luftës, Pete Hegseth, drejt Shteteve të Bashkuara nga një takim i NATO-s në Bruksel, Belgjikë, u detyrua të bënte një ulje të paplanifikuar në Mbretërinë e Bashkuar për shkak të një çarje në xhamin e përparmë të avionit.
Sean Parnell, Asistenti i Sekretarit të Luftës për Çështjet Publike, Zëdhënësi Kryesor i Pentagonit dhe Këshilltar i Lartë i Sekretarit të Luftës, publikoi në platformën ‘X’ se ulja u krye sipas procedurave standarde dhe të gjithë pasagjerët në bord, përfshirë Sekretarin Hegseth, janë të sigurt.
‘Gjatë udhëtimit të kthimit drejt Shteteve të Bashkuara nga takimi i Ministrave të Mbrojtjes të NATO-s, avioni i Sekretarit të Luftës, Pete Hegseth, bëri një ulje të paplanifikuar në Mbretërinë e Bashkuar për shkak të një çarje në xhamin e avionit.
Avioni u ul sipas procedurave standarde dhe të gjithë personat në bord, përfshirë Sekretarin Hegseth, janë të sigurt’, shkruan Parnell në ‘X’
Hegseth ndodhej në Bruksel për takime me ministrat e mbrojtjes të NATO-s dhe me Grupin e Kontaktit për Mbrojtjen e Ukrainës.
