Një incident serioz ka ndodhur në Gjermani në këtë edicion të kampionatit europian të futbollit.
Raportohet se policia ka qëlluar me armë zjarri një person në Hamburg, pasi ky i fundit kishte dalë në rrugë me një hanxhar duke kërcënuar oficerët.
Autoritetet gjermane njoftojnë se qëlluan dhe e plagosën rëndë agresorin, i cili aktualisht po merr trajtim mjekësor. Mediat raportojnë se incidenti ndodhi afër një Fanzone për tifozët e Holandës.
Kombëtarja e vendeve të ulëta luan sot ndaj Polonisë. Policia gjermane njofton ndër të tjera se agresori, përveç hanxharit, kishte me vete dhe pajisje për ndezje të zjarreve.
