Shoqata e mjekëve të Indisë ka bërë të ditur se 196 mjekë kanë vdekur nga Covid-19, ndërsa në një letër të hapur drejtuar kryeministrit Narendra Modi, kërkuan kujdes adekuat për mjekët dhe familjet e tyre.
Ministria e Shëndetësisë dje regjistroi rreth 64.000 të infektuar të rinj me koronavirus, duke e çuar numrin e përgjithshëm në 2.153.010.
Të paktën 628.747 pacientë janë akoma duke marrë trajtim.
Në Indi janë regjistruar edhe 861 vdekje brenda 24 orëve, me çka numri i të vdekurve arriti në 43.379.
India ka regjistruar mesatarisht rreth 50.000 raste të reja në ditë që nga mesi i qershorit dhe ka numrin e tretë më të lartë të rasteve Covid-19, pas SHBA-së dhe Brazilit.
