Një grua në Indi ndërroi jetë pasi policia ia mori bombolën e saj të oksigjenit për t’ia dhënë një personi VIP, mes mungesave akute dhe sistemit shëndetësor të mbingarkuar nga shpërthimi i COVID-19.
Një video e cila qarkulluar në mediet sociale tregon një burrë që qan dhe që iu lutet oficerëve në duar dhe gjunjë jashtë një spitali privat në qytetin e Agra në Uttar Pradesh.
“Nëna ime do të vdesë nëse ia largoni bombolën e oksigjenit”, i tha policisë Anmol Goyal, 22 vjeç, derisa bombola po tërhiqej nga spitali të martën mbrëma.
Ai dhe vëllai i tij 17-vjeçar e kishin siguruar vetë oksigjenin pasi spitalit iu kishin mbaruar rezervat, duke e çuar atë në pavijonin e COVID-19 dhe duke e vendosur pranë shtratit të nënës së tyre.
Sidoqoftë, bombola me oksigjen u konfiskua nga policia për dikë që ‘konsiderohet të jetë më i rëndësishëm’, sipas korrespodentit të “The Times of India” i cili shpërndau videon në mediet sociale.
Dy orë më vonë nëna e tyre vdiq.
