Stafi i infermierëve në Britani kanë vendosur të hyjnë sërish në protesta muajin e ardhëm, për shkak të mosmarrëveshjeve në lidhje me pagat.
Kolegji Mbretëror i Infermierisë ka njoftuar se grevat do të mbahen më 18 dhe 19 janar, ndërsa datat e tjera do të konfirmohen në ditët në vijim.
Kreu i sindikatës, Pat Cullen, u shpreh se: “Qeveria pati mundësinë t’i jepte fund kësaj mosmarrëveshje para Krishtlindjeve, por ata vendosën të shtynin stafin e infermierisë përsëri në të ftohtë në janar. Nuk dua ta zgjas këtë mosmarrëveshje, por kryeministri na ka lënë pa zgjidhje”.
Qindra mijëra punëtorë në shumë sektorë të ekonomisë kanë hyrë në grevë pasi sindikatat kërkojnë rritje pagash për anëtarët e tyre gjatë krizës së kostos së jetesës dhe inflacionit në rritje.
Inflacioni, kriza e energjisë elektrike dhe rritja e çmimeve kanë qenë shkaku i nisjes së protestave në mbarë Evropën, duke përshirë këtu dhe Italinë, Francë dhe Gjermani.
