Sipas raporteve të inteligjencës britanike, Rusia ka nisur të ndërtojë struktura mbrojtëse rreth Mariupolit, nëpërmjet grupit të mercenarëve “Wagner”.
Në raportin e publikuar të martën u tha se trupat speciale të Rusisë janë pozicionuar në dy fabrika që prodhojnë struktura të antitankut prej betonit, kjo më qëllim të forcimit të pozicioneve në territoret e pushtuara.
“Kjo struktura ishin instaluar mes Mariupolit dhe fshatit Mykliske, dhe nga veriu i Mariupolit drejt fshatit Stary Krym, në rajonin e Donetskut”, thuhet në raport.
Britania e Madhe njoftoi se trupat ruse po pozicionohen edhe në Zaporizhzhia dhe në Kherson.
Më 19 tetor, shefi i “Wagnerit”, Yevhen Prigozhin, pati njoftuar për ndërtimin e linjës së trupave speciale në rajonin e Luhanskut, të pushtuar nga Rusia.
“Kjo nënkupton se Rusia po bën përpjekje të konsiderueshme për të përgatitur një mbrojtje të thellë përgjatë vijës së saj aktuale të frontit. Kjo e ka bërë të bëjë të pamundur përparimin e shpejtë të Ukrainës”, thuhet tutje.