Interi ka arritur të marrë një fitore shumë të vlefshme në udhëtim te Spezia me rezultat 1-3.
Për ‘bluzinjtë’ kjo ishte fitorja e tretë radhazi duke konfirmuar formën shumë të mirë.
Pas ndeshjes ka folur trajneri Simone Inzaghi që ka mbetur shumë i kënaqur nga ajo që kanë treguar futbollistët e tij.
“Mendoj që ka qenë një fitore me maturi dhe që na vlen shumë për vazhdimësinë e kampionatit. Ishim të vetëdijshëm se nuk do të ishte e lehtë”.
“Në pjesën e parë ishim disi të bllokuar, derisa 10 minutat e para të pjesës së dytë nuk më kanë pëlqyer. Gjithsesi ishte njëfitore e rëndësishme për rrugëtimin dhe objektivat që kemi”, tha Inzaghi.
Pas këtyre tri pikëve, Interi rikthehet në krye të Serie A me 69 pikë të grumbulluara, një më shumë se Milani.
Ndeshjen e ardhshme Interi do ta ketë një përballje shumë të vështirë, pasi pret Romën në San Siro.
