Ipeshkvi George Frendo i cili ka shërbyer në ne vendin prej vitit 1997, por pak ditë më parë doli më pension për tu larguar nga Shqipëria drejt vendlindjes, thotë se në vendin tonë mungon shpresa.
Në një intervistë në Ora Neës, për gazetarin Everest Dedaj, ai është shprehur se shpresa është një nga arsyet pse ky vend po braktiset nga të rinjtë, ndërkohë që ka dhënë dhe një mesazh.
“Shqipëria është një vend ku fatkeqësisht shpresa mungon. Shpresa nuk na bën optimist, por na jep diçka më të vlefshme se sa optimizëm na jep kurajo për të përballuar situata të ndryshme dhe për këtë arsye shumë po largohen nga Shqipëria. Mungon shpresa që i kurajon për të ndërtuar një Shqipëri më të fortë, më të drejtë më të pastër. Gjithmonë kam thënë, kam përsëritur shumë herë mos mendoni që në vendet e huaja do të gjendeni parajsë tokësore, duajeni më shumë atdheun dhe duhet të ëndërroni më shumë qe të krijoni një Shqipëri më të mirë më të drejtë”, tha Ipeshkvi.
