Pavarësisht rritjes së rasteve të koronavirusit dhe kufizimeve të reja, irakianët do të presin papa Françeskun me besimin se vizita e tij do të sjellë paqen e munguar në vend.
Ati i Shenjtë pritet të mbërrijë në Bagdad të premten për udhëtimin e tij të parë apostolik në vend.
Muajt e përgatitjes kanë parë që kishat, dikur të dëmtuara nga sulmet e Shtetit Islamik, janë pikturuar dhe zbukuruar, janë asfaltuar gjithashtu rrugë dhe janë vendosur flamuj të papatit.
Papa 84-vjeçar do të udhëtojë në të gjithë vendin për t’u takuar me anëtarët e komunitetit të krishterë dhe personalitete politike dhe fetare, përfshirë udhëheqësin kryesor i Irakut, Ali al-Sistani në qytetin e Naxhafit.
“Ata do të shohin se papa është atje në vendin e tyre. Unë jam bariu i njerëzve që vuajnë”, theksoi papa Françesku.
Ashtu si shumë anëtarë të komunitetit të krishterë të vendit, Yahya Wartan Hakeen, 28 vjeç, i lindur në Bagdad, shpreson se vizita do të hapë rrugën për një Irak më paqësor.
“Papa është një njeri i paqes, ai do të sjellë paqe në vend, në rajon, ai do të na bekojë me lutjet e Tij”, tha Hakeen.
Vizita katër ditore do të shohë papën të udhëtojë në fushat e Ninevehut, ku mijëra njerëz u vranë dhe qindra mijëra u zhvendosën nga grupi ekstremist i Shtetit Islamik në 2014.
