Ministria e Mbrojtjes Kombëtare e Turqisë njoftoi se një raketë balistike e lëshuar nga Irani dhe që hyri në hapësirën ajrore turke u neutralizua nga sistemet e mbrojtjes ajrore dhe raketore të NATO të vendosura në Mesdheun Lindor.
Deklarata e Ministrisë thekson: “Të gjitha masat e nevojshme po merren me vendosmëri dhe pa hezitim kundër çdo kërcënimi ndaj territorit dhe hapësirës ajrore të vendit tonë, ndërsa po zhvillohen diskutime me vendin përkatës për të sqaruar të gjitha aspektet e incidentit. Duke pasur si përparësi sigurinë tonë kombëtare, të gjitha zhvillimet në rajon po monitorohen dhe vlerësohen me kujdes.”
Sipas raporteve të Turqisë dhe NATO-s:
- Raketa e parë u interceptua më 4 mars 2026,
- e dyta më 9 mars 2026,
- dhe e treta më 13 mars 2026, të gjitha në hapësirën ajrore të Turqisë dhe neutralizuar nga sistemet e mbrojtjes ajrore ndërkombëtare.
Ky incident vjen në një periudhë të tensionuar në rajonin e Mesdheut Lindor, ku siguria ajrore dhe balistike mbetet një çështje kyçe për vendet e rajonit dhe aleatët ndërkombëtarë.
