Tre vendet evropiane partnere të marrëveshjes së arritur me Iranin në vitin 2015, i kërkuan sot Teheranit të heqë dorë nga aktivitetet e tij për pasurimin e uraniumit që nuk përputhet me angazhimet e tij, si dhe kanë kërkuar një mbledhje, sipas një komunikate të përbashkët të publikuar nga këto vende.
Franca, Gjermania dhe Britania e Madhe kanë kërkuar një mbledhje urgjente të komisionit të përbashkët të parashikuar nga marrëveshje për rregullimin e mosmarrëveshjeve mes firmëtarëve, theksuan tre vendet në një komunikatë të përbashkët.
“Irani ka deklaruar se kërkon të qëndrojë në kuadrin e planit të veprimit global të përbashkët (PAGC ose JCPoA, marrëveshja mbi bërthamoren). Por ai duhet të veprojë në përputhje me rrethanat dhe të tërhiqet nga aktivitetet e tij si dhe t’i përmbahet sërish krejtësisht pa vonuar marrëveshjes bërthamore”, paralajmërojnë evropianët./ATSH/
