Gjykata e Posaçme e Apelit refuzon lirimin e ish drejtorit të TVSh Thoma Gëllçi.
Në vendimin e dhënë sot Gjykata la në fuqi vendimin për masën e sigurisë “arrest me burg”
Ish-drejtori Gëllçi, kërkoi masë më të lehtë nga Apeli, me argumentin se arresti me burg është i papërshtatshëm dhe se ai nuk ka asnjë rrezik të prishë provat apo të largohet.
Ndërkohë prokuroria e kundërshtoi kërkesën e avokatëve duke kërkuar të ngelet në fuqi masa e “arrestit me burg.”
Gëllçi, bashkë me tre ish-vartësit e tij Alban Malaveci, Ervin Muraj dhe Julian Tapia akuzohen për shpërdorim detyre dhe pabarazi në tendera dhe abuzim me detyrën në kohë kur Gëllçi ishte në krye të RTSH. Ata u arrestuan më 8 tetor 2021
Bëhet fjalë për një tender të vitit 2018 me fond prej 86 milionë lekë për blerjen e pajisjeve për kanalin RTSH Agro.
Nga hetimet gjithashtu ka rezultuar se Thoma Gëllçi si ish-drejtori i Përgjithshëm i Radio Televizionit Shqiptar ka kryer shkelje ligjore në këtë procedurë prokurimi dhe akuzohet për shpërdorim detyre.
