Ish-kryeministri britanik Gordon Brown ka zbuluar se presidenti rus Vladimir Putin e kërcënoi atë gjatë një vizite zyrtare në Moskë.
Lajmi u bë i ditur nga botimi britanik “The Telegraph”, duke cituar intervistën me Brown.
Duke kujtuar një vizitë të vitit 2006 në Kremlin, asokohe kancelar i Thesarit, ish-zyrtari i lartë britanik zbuloi disa detaje nga takimi.
“Më vunë në një vend shumë të ulët, kështu që po e shikoja nga lart. Ai sigurisht që është një burrë relativisht i shkurtër”, u shpreh fillimisht Brown.
Atë ditë, sipas tij, Putin nxorri disa karta treguese mbi tryezë.
Ai vazhdoi të lexonte të gjithë informacionet që kishte për ish-kryeministrin britanik.
Kjo, për të treguar se ai dinte më shumë për të nga sa dinte ai për veten e tij.
“Pra, kur njerëzit thonë se Putin-i ka ndryshuar dhe vetëm tani po kërcënon, unë mund t’ju them se ai po më kërcënonte edhe atëherë”, theksoi Brown.
Brown kritikoi gjithashtu ‘përçarjen globale’ pasi 150 vende nuk arritën të vendosin sanksione ndaj Rusisë për pushtimin e saj në Ukrainë.
Ish-kryeministri beson se presidenti rus i përgjigjet vetëm “një shfaqjeje fuqie të pakompromis dhe të palëkundur”.
“E vetmja gjë që Putin-i kupton është pushtetit. Dobësi që do të shfrytëzojë; ai është oportunist në shkallën e nëntë”, shtoi në përmbyllje Gordon Brown. /Albanianpost.com
