Ish-sulmuesi i Lazios, Fabio Poli ka thënë se Vedat Muriqi po rritet dhe ka filluar të përshtatet në ekipin nga Roma. Ai ka thënë se Muriqi duhet të shfrytëzohet më shumë nga lojtarët e Lazios. “Kosovari po rritet, ai ka filluar të përshtatet.
Nëse ai është vendosur në një pozitë për të shënuar, duhet shfrytëzuar harkimet për të shënuar me kokë. Ai mund të jetë një armë e rëndësishme, ndërsa mund të humb shumë nëse i kërkohet të lëvizë nëpër fushë dhe të lidhet shpesh me shokët e skuadrës”, ka thënë Poli “La Lazio Siamo Noi”. Sulmuesi 26-vjeçar i përfaqësueses së Kosovës në fundjavë shënoi golin e parë në Serie A me fanellën e Lazios që kur u trasnferua nga Fenerbahçe. Me Lazion ka kontratë deri në verën e vitit 2026, ndërsa këtë edicion në të gjitha garat ka luajtur 17 ndeshje. Një gol të shënuar e ka edhe për Kupë të Italisë.
