Një vajzë 7-vjeçare ka humbur jetën pasi një varkë emigrantësh është përmbytur në veri të Francës.
Fëmija ishte në mesin e 16 personave në bordin e varkës, kur ajo u përmbys pak pasi u lëshua në Canal de l’Aa në Watten, rreth 20 milje larg nga Calais.
7-vjeçarja ishte me tre vëllezërit e motrat e saj, nënën shtatzënë dhe babanë, thanë zyrtarët lokalë, ndërsa anëtarët e mbijetuar të familjes u dërguan në spital në Dunkirk aty pranë.
Kanali të çon në Detin e Veriut dhe është një rrugë e përdorur rregullisht nga migrantët që përpiqen të kalojnë Kanalin për në Mbretërinë e Bashkuar
Varka, “ndoshta e vjedhur”, sipas Bertrand Gaume, prefekt i rajonit Hauts-de-France, mbante gjithashtu një çift, dy burra dhe gjashtë fëmijë të vegjël.
Asnjëri prej tyre nuk është në rrezik për jetën, shtoi ai.
Një strukturë është ngritur në bashkinë në Watten për të shpëtuarit për të marrë strehim dhe ushqim.
