Djali i presidentit Joe Biden, Hunter akuzohet se ka gënjyer për blerjen e armëve.
Ky është rasti i parë kur fëmija i një presidenti ndiqet penalisht.
Të tre akuzat kanë të bëjnë me formularët me të cilët ai kishte plotësuar se do të blinte armë zjarri kur ishte përdorues droge.
Dokumentet e gjykatës tregojnë se Biden gënjeu në formularët teksa bleu një revole Colt në një dyqan armësh në Delaëare në tetor 2018. Ai e mbajti armën për 11 ditë.
Nëse shpallet fajtor, Hunter Biden përballet me një dënim maksimal prej 25 vitesh burg.
Dënimet aktuale për krimet federale janë zakonisht më pak se dënimet maksimale të mundshme.
Në kohën e blerjes së armës, Biden ishte një përdorues i rëndë i kokainës.
Sipas ligjeve federale të SHBA-së, të gënjesh për një dokumentacion të tillë cilësohet si krim ose në rastet kur je përdorues droge dhe posedon një armë zjarri.
Hunter Biden i pranoi akuzat gjatë negociatave midis prokurorëve dhe ekipit ligjor të tij në muajin qershor.
Sipas kushteve të marrëveshjes, ai do të akuzohej për mospagimin e taksave në kohë në vitin 2017 dhe 2018.
Gjithashtu, ai do të ishte detyruar të pranonte akuzën e armëmbajtjes pa leje.
Marrëveshja nuk vlejti pasi gjyqtarja e Gjykatës së Qarkut të SHBA, Maryellen Noreika e hodhi poshtë.
Problemet ligjore të Hunter Bidenit janë shndërruar në një kartë të fortë politike që e përdorin kundërshtarët politikë, teksa Joe Biden kërkon rizgjedhjen si president.
Në fillim të kësaj jave, republikanët në Dhomën e Përfaqësuesve të SHBA njoftuan një hetim për shkarkimin e Presidentit Biden, transmeton BBC.
Ndër akuzat që ngrihen kundër vetë presidentit Joe Biden janë se ai gënjeu për përfshirjen e tij në marrëdhëniet e biznesit të djalit të tij ndërsa shërbente si zëvendëspresident.
