Moderatori dhe gazetari i njohur Eni Shehu në një intervistë të fundit ka rrëfyer disa detaje nga jeta dhe puna e tij. I ftuar në emisionin “Natën me Aulonën” ai është pyetur për disa nga kolegët që ka punuar ndër vite, ku njëra prej tyre ka qenë edhe moderatorja Arbana Osmani.
Eni u shpreh se në fillimet e tij në televizion, Arbana dhe ai nuk kanë patur marrëdhënie të mira madje i vuri edhe epitetin “shtrigë”. Ai gjithashtu pranoi se Arbana “i nxinte jetën” në punë dhe se nuk e ka mbështetur. Sipas Enit ajo është shumë politikisht korrekte me kolegët por kjo nuk i pëlqen aspak gazetarit. Kur u pyet nëse ka ende kontakt me Arbanën, Eni ironikisht tha:
“Po për çfarë të flasim, për paninet?”
Pyetja që ngjalli interes ishte ajo në lidhje me largimin e Enit nga Top Channel, por gazetari nuk ktheu një përgjigje konkrete. Duke shkelur syrin drejt kamerës Eni tha: Hë mi Arbana?
Pjesë nga biseda:
Eni Shehu: Tani unë nuk e di te them për këtë kohë apo atëherë, t’ia jap përcaktimet që kemi dëgjuar në Big Brother për shembull? Atëherë, shtrigë. Tani, e aftë, e suksesshme. Ta nxinte jetën sepse edhe unë ia nxija jetën.
Aulona Musta: Ishe ti shtrigani domethënë?
Eni Shehu: Patjetër.
Aulona Musta: Keni pasur marrëdhënie shumë të mirë?
Eni Shehu: Jo, s’kemi pasur marrëdhënie të mirë. Më vonë, kam përshtypjen se Arbana është ajo që është politikisht korrekte me kolegët, kurse mua kjo pjesë nuk më pëlqen, tani ose je mirë me mua, ose s’mund të jesh politikisht korrekte.
Aulona Musta: Flisni?
Eni Shehu: Po për ca të flasim, për paninet?
Më tej ka shtuar: Po patjetër, unë kam respekt për punën e saj. Nuk ka nevojë që unë të flas për sukseset e Arbanës, por…
Aulona Musta: Në planin njerëzor po thua…
Eni Shehu: Në atë kohë po, nuk është se më ka mbështetur shumë.
Aulona Musta: Prandaj ke ikur nga Top-i ti?
Eni Shehu: Hë mi Arbana?
