Zyrtari i lartë i PDK-së, Uran Ismaili, ka deklaruar se PDK-ja nuk bashkëpunon me asnjë parti e cila synon të qeverisë me individë me afera korruptive. Si rrjedhojë, sipas Ismailit, gjitha partitë kanë frikë nga ballafaqimi me PDK-në, e cila synim kryesor e ka pastrimin e vendit nga korrupsioni.
Partia Demokratike e Kosovës (PDK) ka vija të kuqe për të gjitha partitë të cilat synojnë që pas zgjedhjeve të 6 tetorit të qeverisin me individë që kanë afera korruptive. Kështu ka deklaruar në një intervistë për “Zërin” zyrtari i lartë i PDK-së Uran Ismaili, i cili ka theksuar se synim kryesor i partisë së tij është që ta fuqizojë sistemin e drejtësisë së vendit, duke luftuar krimin e organizuar dhe korrupsionin.
“Kosova është vend ku kërkon bashkëpunim të partive politike, prandaj ne si PDK vijat e kuqe i kemi kundër korrupsionit. Ne nuk bëjmë koalicion me asnjë parti, të cilat nesër do të na sjellin njerëz që kanë afera korruptive”.
