Italia regjistroi sot një ulje të rasteve të personave të infektuar në 24 orë edhe pse numri i viktimave është më i lartë se një ditë më parë.
Në 24 orë janë shënuar 602 viktima nga koronavirusi, dhe numri ka arritur sot në total në 21 067.
Ndërsa numri i rasteve pozitive me koronavirus është rritur me 2,972 më shumë se një ditë më parë, ndërsa numri i përgjithshëm i tyre ka arritur në 162,488.
Pacientët e shëruar janë deri më sot 37,130 e 1,695 janë shëruar në 24 orët e fundit.
Në repartet e terapisë intesive vazhdon ulja e numrit të pacientëve. Sot janë 74 pacientë më pak e numri i tyre është ulur në 3,186.
Në Itali deri më sot janë kryer 1,073,689 teste.
