Një 45-vjeçar shqiptari i identifikuar si Dritan Hakaj ,i papunë dhe emër i njohur për policinë sipas mediave italiane është vrarë me armë zjarri në Milano të Italisë.
Policia e shtetit fqinj ka vënë në pranga një 78 vjeçar me akuzën për vrasje me dashje.
Viktima i goditur me një plumb të vetëm në gjoks ka ndërruar jetë në vend. Krimi ndodhi në pallatin ku 78 vjeçari jetonte bashkë me gruan e tij, 51 vjeçare po shqiptare dhe djalin e saj.
45-vjeçari dyshohet se ka shkuar i dehur në shtëpinë e pensionistit dhe gruas së tij dhe ka nisur të sulmojë gruan.
Nga hetimet e para rezultoi se 45-vjeçari banues në Milano, kishte një lidhje jashtëmartesore me gruan.
