Në 24 orët e fundit, Italia ka regjistruar një rritje të numrit të vdekjeve të lidhura me COVID-19, me 307 viktima shtesë, krahasuar me dje që ishin 270, sipas të dhënave nga Ministria italiane e Shëndetësisë.
Gjithashtu, u regjistruan edhe 7 970 raste pozitive, në krahasim me dje që ishin 11 641, megjithatë, ky numër ndikohet nga rënia e ndjeshme e testeve, si zakonisht, gjatë fundjavave dhe veçanërisht të dielave.
Edhe numri i personave të pranuar në kujdes intensiv është në rritje, aktualisht janë 2 143, + 36 më shumë se dje.
Pranimet ditore në spitale janë 139.
Numri i pacientëve me simptoma, gjithashtu, u rrit në 19 527, + 261 më shumë se dje.
Viktimat zyrtare të COVID-19 në Itali kanë arritur në 91 580, ndërsa rastet totale tashmë janë 2644707.
