Për herë të parë që prej datës 19 mars Italia shënon numrin më të ulët të viktimave dhe të infektuarve nga COVID-19.
Brenda 24 orëve të fundit janë regjistruar 525 viktima duke e çuar numrin në total në 15,887.
Ndërkohë që numri total i të infektuarve ka shkuar në 128,948.
Pozitiv ka qenë dhe numri i personave që janë në terapi intensive ku ka pasur ulje gjatë ditëve të fundit.
Momentalisht 3,877 persona ndodhen në terapi intensive.
Gjithashtu edhe rajoni i Lombardisë ka regjistruar ulje në numrin e viktimave me 249 në 24 orët e fundit.
Ndërsa edhe numri i personave të shëruar ka shënuar rritje ku 21,815 persona janë kuruar.
Deri më sot në Itali janë kryer 691,461 tampone.
