Ivanka Trump, vajza e presidentit amerikan Donald Trump ka tërhequr vëmendjen në rrjetet sociale pasi ka publikuar një fotografi me tre libra që trajtojnë historinë dhe kulturën shqiptare. Në një postim, ajo ka treguar interes të veçantë për t’u njohur me identitetin shqiptar.
Ivanka, bashkëshortja e Jared Kushner, i përfshirë në projektin e zhvillimit turistik në ishullin e Sazanit dhe tashmë një vizitor i shpeshtë i Shqipërisë , ka zgjedhur disa prej botimeve më të njohura për vendin.
Në foto shfaqen titujt “Albania: From Anarchy to Balkan Identity” i autorëve Miranda Vickers dhe James Pettifer, “The Albanians: A Modern History” nga Miranda Vickers, si edhe vepra e njohur e Ismail Kadaresë “Gjenerali i ushtrisë së vdekur”.
“Rikërkim!”, ka shkruar ajo shkurtimisht, duke lënë të nënkuptohet se po thellon njohuritë mbi historinë dhe kulturën shqiptare.
