Vajza e kandidadit republikan për President të SHBA-së, Doland Trump, Ivanka Trump duket se ka zgjedhur edhe këtë vit Shqipërinë për të pushuar. Jahti i saj luksoz është ankoruar ditën e djeshme, rreth orës 09:00 të mëngjesit në pjesën e bregdetit të Qeparoit.
Vitin e kaluar, vajza e Donald Trump u ndal në bregdetin e Sarandës. Më pas ajo udhëtoi në Butrint dhe Sazan.
Ivanka Trump dhe bashkëshorti i saj, Jared Kushner kanë shprehur interesin për të investuar në Ballkan, investime që mund të kalojnë vlerën e 1 miliard dollarëve. Dy prej tyre janë në Shqipëri, në Sazan dhe Zvërnec dhe një në Serbi.
Firma e kapitalit privat me bazë në Majami planifikon të transformojë ishullin e Sazanit të Shqipërisë në Mesdhe, që më parë ishte një bazë ushtarake, në një komunitet luksoz eko-resort të markës Aman, tha Kushner në një intervistë me Bloomberg News.
Affinity kërkon gjithashtu të zhvillojë Gadishullin e Zvërnecit të Shqipërisë, një rajon bregdetar me më shumë se tre milje plazhe me rërë të bardhë të thellë. Firma planifikon të ndërtojë disa resorte në zonë, me afro 10,000 njësi vilash dhe dhoma hoteli.
“Ishulli i Sazanit është një nga vijat bregdetare më të paprekura dhe unike që kam parë kudo në botë,” tha Kushner.
Kushner është dhëndri i ish-presidentit Donald Trump dhe ka shërbyer si këshilltar i lartë i Shtëpisë së Bardhë. Pasi la punën e tij në qeveri, ai krijoi kompaninë Affinity, e cila tani ka asete prej 3.1 miliardë dollarësh.
Jugu vijon të mbetet një nga destinacionet e preferuara të turistëve vendas dhe të huaj.
“Fans” i bregdetit të Jonit është edhe kryeministri Edi Rama, i cili ditën e djeshme ndau një video nga resorti “Arameras” në Ksamil, një nga pikat më të preferuara të turistëve.
Kjo zonë është një destinacion i mrekullueshëm dhe ekskluziv, që ofron një përvojë unike plazhi në një mjedis të qetë dhe të rregulluar me kujdes.
