Amnistia fiskale që propozon Edi Rama për shqiptarët që kanë punuar jashtë vendit dhe që nuk i kanë paratë e legalizuara nuk është aq e lehtë sa e bën kryeministri i Shqipërisë.
Kjo për faktin, se edhe pse sipas Edi Ramës mund të legalizosh 2 milionë euro duke paguar 7 për qind taksë. Por si gjithmonë, në çdo nismë të Edi Ramës, dardha e ka bishtin mbrapa.
Marrim një shembull të thjeshtë:
Unë jam një qytetar shqiptar që jetoj e punoj në Britaninë e Madhe prej vitesh. Dikush tjetër është në Itali, një tjetër në Gjermani apo dhe në SHBA, kjo nuk ka shumë rëndësi.
Por në vendin ku unë jetoj e punoj me dokumente të rregullta unë i kam të deklaruara shumicën e parave, pasi aty shteti është i rregullt.
Nëse unë vij në Shqipëri dhe i fus paratë me kamion, duke mos i deklaruar as në vendin ku qëndroj dhe i legalizoj në Shqipëri, do të thotë që po bëj një shkelje.
E çfarë ndodh pas kësaj?
Të gjitha ambasadat që ndodhen në Tiranë, kanë shërbimet e tyre që sinjalizojnë autoritetet e tyre, për lëvizjet e dyshimta që ndodhin në Shqipëri, plus që edhe bankat ku do të depozitohen paratë, shumica janë të huaja dhe ndezin sinjalin e kuq, për para pa origjinë të deklaruar.
Ja pra, hapi i parë është që në Shqipëri i futa paratë më kamion dhe hapi i dytë i legalizova duke paguar taksën 7 për qind të vendosur nga Edi Rama.
Por më pas çfarë ndodh?
Pasi unë kthehem në Britani, të dhënat i kanë marrë autoritetet vendase dhe ti si qytetar Britanik ose rezident do të kesh në shpinë fillimisht ‘SO15-njësinë antiterroriste’. Më pas do kalosh në ‘CPS Police Departament’ ku do të japin një letër dhe do të të thërrasin për të dhënë llogari për mashtrim, ose do të dyshohesh për aktivitete të paligjshme.
Nëse do të kesh punuar në mënyrë ilegale do të përfundosh duke u hetuar për mashtrime dhe mos pagim taksash dhe çfarë do pasurie që do të kesh në Britaninë e Madhe do ti sekuestrojnë dhe mund të bësh edhe 7 vite burg.
E këtu mund të dyshohesh edhe për vepra penale, pasi mund të mos kesh mënyrë se si ti justifikosh këto para.
Këtu hyn edhe rreziku i grabitjeve të shumave të mëdha parash që më pas mund të transferohen me makinë në Shqipëri dhe të legalizohen.
Po jo vetëm kaq.
Me një lëvizje të tillë, ekziston rreziku tjetër i madh që mund të përfundojë me publikim e të dhënave personale, dhe bankare, shumë më i madh se skandali i patronazhistëve të Edi Ramës.
Ja pra që amnistia fiskale e Edi Ramës është si ajo dardha që e ka bishtin nga mbrapa. Përveç Edi Ramës që mbush arkën e qeverisë me paratë e emigrantëve, askush tjetër nuk përfiton nga kjo nismë.
Prandaj edhe dhomat e huaja të tregtisë dhe ambasadat në Tiranë kanë shprehur kundërshtimet e tyre haptas.
