Ish-presidentja Atifete Jahjaga ka pritur sot në takim ambasadoren e Kroacisë në Kosovë, Danijela Barishiq, me të cilën ka biseduar për mënyrat e bashkëpunimit ndërmjet dy vendeve.
“Kisha nderin që sot të mirëpres në takim mirëseardhës ambasadoren kroate znj. Danijela Barishiq, me ç’rast i urova ambasadores mision të suksesshëm e të mbarë në Kosovë. Gjatë takimit biseduam për mënyra bashkëpunimi mes dy shteteve në të mirë të qytetarëve”, ka shkruar Jahjaga në llogarinë e vet në “Facebook”.
