Qeveria britanike dha dritën jeshile për kthimin e sporteve profesionale nga 1 qershori, pas disa muajsh pezullim nga pandemia e koronavirusit dhe zyra e Premier League është ende duke biseduar me klubet për të bërë të mundur rikthimin e kampionatit. Trajneri i skuadrës së Tottenham, Jose Mourinho është në favor të kthimit të futbollit “sa më shpejt të jetë e mundur dhe në mënyrë të sigurt”, pavarësisht informacioneve të kundërta që ishin publikuar nga shtypi britanik.
“Unë nuk mendoj se pozicioni im në takim është pasqyruar me besnikëri në shtyp. Unë nuk kam kërkuar ndonjë shtyrje. Unë dua të stërvitem dhe jam i dëshpëruar që Premier League të kthehet sa më shpejt dhe në mënyrë të sigurt, veçanërisht tani që ne po shohim se si ligat e tjera po përgatiten për veprim,”-shpjegoi portugezi në një deklaratë për mediat.
Drejtuesit kryesorë anglezë hapën seksionet e tyre sportive ndërsa për trajnerin e Spurs u tha që kishte refuzuar, por portugezi ka ngritur zërin për të mohuar këto informacione. Trajnerët dhe kapitenët e ekipeve të Premier League u takuan të mërkurën për të diskutuar këtë çështje.
Disa informacione tregojnë për rikthimin e futbollit në 12 qershor dhe Mourinho është shprehur se ai është “jashtëzakonisht krenar” për formën fizike që lojtarët e tij kanë ruajtur gjatë mbylljes.
E hëna e ardhshme prezantohet si një datë e rëndësishme për kthimin e Premier League, pasi klubet kanë planifikuar të takohen për të votuar për rikthimin e kampionatit. Që rinisja të miratohet, do të duhen të paktën 14 vota në favor të 20 skuadrave që konkurrojnë në Premier League.
