Albania
“Jamarbër Malltezi mbahet i burgosur politik”- Ivi Kaso: SPAK me akuzë qesharake ndaj tij, po shkel ligjin sipas orekseve politike të Ramës
Në një deklaratë për media, përfaqësuesi për çështjet ligjore të Rithemelimit, Ivi Kaso, është shprehur se prej 20 ditësh, Jamarbër Malltezi po mbahet me urdhër politik i burgosur, vetëm se është Këshillit Kombëtar të PD dhe dhëndër i ish-kryeministrit Sali Berisha.
Sipas Ivi Kasos, SPAK po shkel ligjin sipas orekseve politike të kryeministrit Edi Rama, ndërsa shton se akuza ndaj tij është qesharake dhe se mungesa e arsyetimit për caktimin e masës së arrestit e bën vendimin absolutisht të pavlefshëm.
Kaso ka renditur dhe disa fakte për të forcuar argumentin e tij, teksa shprehet se vendimi i Gjykatës iu dha Jamarbër Malltezit vetëm në datë 8 nëntor, pra 16 ditë pas seancës së rikonfirmimit dhe 14 ditë pas kalimit të afatit, duke i mohuar atij të drejtën e apelit dhe kundërshtimit të kësaj farse gjyqësore.
Deklarta e plotë e Ivi Kasos:
Prej 20 ditësh anëtari i Këshillit Kombëtar dhe Kryetari i Departamentit të Mjedisit të Partisë Demokratike prof. Jamarbër Malltezi, mbahet me urdhër politik i burgosur, si person nën hetim, pas tre vitesh hetime shteruese nga prokuroria politike e Edi Rames, nuk u gjet dot asnjë provë, fakt apo dokument dhe asnjë dëshmi që të fajësojë atë, pra të faktojnë se ai ka kryer ndonjë vepër penale.
Prof. Jamarbër Malltezi mbahet i burgosur politik vetëm e vetëm se si anëtar i Këshillit Kombëtar tëPD dhe kryetar i departamentit të Mjedisit nëqindra e qindra raste në rrjetet sociale, mediat e shkruara dhe elektronike, ka denoncuar me forcën më të madhe, dhe me dokumente tëpakundërshtueshme vjedhjet dhe lidhjet me krimin e Edi Ramës, klanit të tij familjar, ministrave dhe zyrtarëve të tij lokalë dhe qëndror, si dhe ka mbrojtur pa u lëkundur vlerat dhe parimet qëndajnë së bashku demokratët shqiptar.
Nuk ka asnjë dyshim se Jamarbër Malltezi mbahet i burgosur politik edhe për faktin se ai është dhëndri i kryetarit të PD Sali Berisha, parti e cila po i bën çdo ditë autopsinë kufomës politike të narkoshtetit të Edi Ramës.
Edi Rama me larot e tij për hakmarrje politike urdhëroi në një akt hakmarrës primitiv arrestimin e tij brutal në aeroportin e Rinasit, si një armik të tij personal, ndonëse mbi të nuk kishte as dhe një akuzë të vetme penale.
Paria Demokratike deklaron se SPAK-u i partisë nuk ka juridiksion mbi Jamarbër Malltezin, por ai është aty si i dënuar politik sepse SPAK shkel ligjin sipas orekseve politike të Edi Ramës.
Në shkelje të plote të ligjit SPAK shpik ligje për të mbajtur me porosi politike në burg Jamarbër Malltezi. Ai akuzohet për korrupsion pasiv dhe ndiqet penalisht nga Struktura e Posaçme e Korrupsionit dhe Krimit te Organizuar, pa qenëkurrë zyrtar.
SPAK pretendon se ai ka kryer korrupsion pasiv, pra ka marrë para. Po për çfarë? Për të fituar vete pronen e tij te ligjshme?!
Korrupsioni nënkupton dhënien e parave nga personi që përfiton diçka që nuk i takon me ligj dhe jo marrjen e tyre për të marrë atë që të takon me ligj. Në shpikjen e SPAK Jamarber Malltezi i ka dhënë vetes para që të fitojë pronën e familjes së tij. Kjo akuze qesharkë bëhet vetëm që t’i shërbehet luftës politike të Edi Ramës.
Partia Demokratike deklaron se mospërmbushja e bazave ligjore për caktimin e masës arrest me burg është dëshmi tjetër flagrante e karakterit politik të burgosjes së Prof. Malltezit.
Neni 228 pika 3 i Kodit të Procedurës Penale,përcakton se masat e sigurimit personal vendosën:
a) kur ekzistojnë shkaqe të rëndësishme që vënë në rrezik marrjen ose vërtetësinë e provës, bazuar në rrethana fakti që duhet të tregohen posaçërisht në arsyetimin e vendimit;
b) Cilat rrethana në këtë rast rrezikojnë marrje e provave të 10 apo 20 viteve më parë. Zero. Asnjë. Përveç mllefit politik të Edi Ramës, që e ka vënë drejtësinë nën thundër dhe e përdor si drapër mbi opozitën. Asnjë fakt nuk ka arsyetuar gjykata se pse duhej masa e sigurisë. Kjo sepse masa duhej vetëm për të mposhtur opozitën dhe jo për të zbatuar ligjin.
Por SPAK s’ka më lidhje me ligjin.
Po ky nen në piken (b) përcakton se; masat e sigurimit personal vendosen kur i pandehuri është larguar ose ekziston rreziku që ai të largohet.
Jamarber Malltezi nuk është i pandehur, por “person nën hetim”, por ndaj tij përdoret masa arrest me burg vetëm si hakmarrje politike.
Që prej tri vitesh ka qenë fakt publik iinformuar ne media se kjo çështje po hetohej dhe Jamarbër Malltezi ka pasur çdo mundësi për të ikur. Por as i ka shkuar në mendje njëgje e tillë. SPAK i di shumë mirë këto, por e përdor ligjin si çekan të Edi Ramës ndaj opozitës.
Po ky nen në piken (c) parashikon se; Masat e sigurimit personal vendosen kur për shkak të rrethanave të faktit dhe personalitetit të të pandehurit ka rrezik që ai të kryejë krime të rënda ose të të njëjtit lloj me atë për të cilin proçedohet.
Çfarë vepre do të kryejë Jamarbër Malltezi? Ku është vepra e rëndë penale që mund tëpërsëritet këtu?
Neni 230 përcakton kriteret e veçanta për caktimin e masës së arrestit në burg dhe sanksionon se “Arresti në burg” mund të vendoset vetëm kur çdo masë tjetër është e papërshtatshme për shkak të rrezikshmërisë së veçantë të veprës dhe të pandehurit.
Jamarber Malltezi, një profesor universiteti pa asnjë rrezikshmëri shoqërore, me një kontribut shoqëror të rëndësishem në fushën akademike dhe në atë politike, është sot në burg politik.
Cila është rrezikshmëria e lartë e veprës penale që ka kryer ai? Kamikazët e drejtësisësë re nuk shqetësohen të arsyetojnë këtë pikëtë vendimit sipas detyrimit ligjor që kanë, sepse ligji është një leckë me të cilën ata fshijnë këpucët e Edi Ramës.
Mungesa e arsyetimit për caktimin e masës së arrestit e bën vendimin absolutisht të pavlefshëm, sipas nenit 245 të Kodit tëProçedurës Penale.
Për Partinë Demokratike dëshmi tjetër e qartëe karakterit politik të burgosjes së Prof. Dr.Jamarbër Malltezit është vendimi për arrestimin e tij në date 20.10.2023 i cili ështëmarrë në bazë të një vendimi absolutisht të pavlefshëm, në kuptimin e nenit 245 paragrafi1(ç) të Kodit te Procedures Penale, i cili parashikon se: “Vendimi që cakton masën e sigurimit përmban, me pasojë pavlefshmërie:…ç) parashtrimin e shkaqeve pse nuk merren parasysh pretendimet e parashtruara nga mbrojtja, si dhe arsyetimi ipapërshtatshmërisë së masave të tjera të sigurimit, kur caktohen masat e sigurimit shtrënguese të parashikuara nga nenet 237, 238 dhe 239 të këtij Kodi;”
Pra me fjalë të tjera, është absolutisht ipavlefshëm vendimi i caktimit të masës sësigurisë që nuk ka arsyetuar refuzimin ose pranimin e argumentave të mbrojtjes, qofshin këto të dhëna nga avokati apo nga personi nën hetim.
Lexoni pak vendimin prej 200 faqesh tëGJKKO të datës 20 tetor dhe gjeni qoftë edhe në një rresht të vetëm një argument të vetëm të mbrojtjes.
Kjo sepse në 3 vjet hetime të drejtuara nga Taulant Balla e Edi Rama, prokurorët e SPAK nuk guxuan kurrë të thërrisnin në pyetje Jamarbër Malltezin apo Sali Berishën, për arsyen e thjeshtë sepse ata do të zbërthenin menjëhere shpifjet e pabaza të Taulant Ballës dhe shtrembërimet e fshehjet e dokumentave të SPAK.
Në shtator të këtij viti, Jamarbër Malltezi bëri padi për kallzim të rremë ndaj Taulant Ballës në SPAK mbi akuzat e tij po në këtë çështje. Në atë padi ai parashtronte të gjithë përgjigjet dhe argumentat e tij kundër këtyre akuzave, si dhe dërgoi një sërë dokumentash zyrtare qëprovonin vërtetësinë e deklaratave të tij.
SPAK sigurisht që nuk guxoi të merrte Ballën të pandehur për kallzim të rremë, dhe ktheu përgjigje se çështja ishte ende nën hetim. As edhe argumentat që Jamarbër Malltezi paraqiti në kallzimin e tij ndaj Ballës në prokurori nuk u përmenden nga kjo e fundit apo nga gjykata në vendimin e masës sësigurisë, sikur ato të mos ekzistonin.
Pra gjykata vendosi masën e arrestit me burg, pa e pyetur kurrë personin dhe pa dëgjuar qofte edhe një fjalë prej tij për akuzat e ngritura e të hetuara për tre vjet dhe pa gjetur pas tre vitesh hetime shteruese asnjë provë, fakt apo dokument, asnjë deshmi nga dhjetëra të pyetur, që e fajëson atë.
Ndaj sipas neni 245 ky vendim ështëabsolutisht i pavlefshëm.
Gjykata bëri seancën e rikonfirmimit të arrestit në date 23 tetor 2023. Sipas Kodit tëProcedures Penale, neni 248 pika 2 fjalia e fundit, gjykata duhet të zbardhte dhe depozitonte vendimin e arsyetuar brenda 48 orëve, pra në datë 25 tetor.
Kjo është një nga garancitë që ofron Kodi iProcedurës Penale, në mbrojtje të të drejtave të personave të ndaluar dhe evitimin e burgimit të padrejtë. Dispozita pra synon tëgarantojë vijimin pa humbur kohë me procedurat e apelit.
(Për informacion, pas këtij afati gjykata duhet të çonte aktet në gjykaten e apelit brenda 3 ditësh, dhe kjo e fundit ta gjykonte çeshtjen brenda 10 ditësh nga dorezimi i apelit).
Por kamikazët e Edi Ramës njohin për ligj vetëm urdhërat politike. Vendimi i Gjykates iu dha Jamarbër Malltezit vetëm në datë 8 Nëntor, pra 16 ditë pas seancës sërikonfirmimit dhe 14 ditë pas kalimit të afatit, duke i mohuar Jamarbër Malltezit të drejtën e apelit dhe kundërshtimit të kësaj farse gjyqësore.
Neni 249 pika 7 parashikon se; “Kur vendimi nuk shpallet ose nuk zbatohet brenda afatit të caktuar, akti në bazë të të cilit është marrë masa shtrënguese e humbet fuqinë”. Pra Jamarber Malltezi, është mbajtur në burg për dy javë të tjera në mënyre të paligjshme, sepse vendimi i gjykatës kishte humbur fuqinë. Çdo gjykatës me integritet duhet tënjihte gabimin dhe të lironte personin nga arresti.
Mbi një vendim të pavlefshëm, mbi një vendim që ka humbur fuqinë, apeli nuk ka më objekt. Por gjykata nuk njeh ligj, por veç urdhëratpolitikë të Edi Ramës.
Shembull i qartë i kësaj është se gjykata kamikaze vendosi sekuestro të pasurive tëJamarbër Malltezit dhe familjes së tij brenda natës dhe në kundërshtim të plotë me ligjin dhe vendimet unifikuese të Gjykatës së Lartëmbi sekuestrot.
Ndërkohë që banditëve të Ramës u lihen sipas deshirës së tyre tre muaj kohë për tëfshehur dhe transferuar pasuritë jashtë vendit.
Për hakmarrje politike Malltezit iu sekuestruan brenda natës prona të blera me të ardhurat e krijuara para privatizimit të “Kompleksit Partizani”, ndër to edhe prona të blera me tëardhurat e bashkëshortes. SPAK kishte çdo tëdhënë që këto prona ishin blerë para privatizimit dhe kishin burime plotësisht tëligjshme nga puna e tyre, e deklaruar me transparencë në organet përkatëse dhe e tatuar sipas ligjit, pasi SPAK kish sekuestruar çdo akt mbi të gjithë pronat e familjes Malltezisi dhe kishin bërë për tre vite hetim pasuror tëimtësishëm edhe për fëmijët e tyre, pa mundur të gjenin qofte edhe nje shkelje tëvetme.
Por ata nuk janë prokurorë publikë, por banditë me licensë qeveritare për të linçuar opozitën.
Në një akt banditesk SPAK sekuestroi çdo dokument nga të gjithë zyrat e nënkontraktorëve të financës dhe noterisë ku mbaheshin të dhënat personale dhe familjare.
Marrja e materialeve është e drejtë e hetimit, por pengimi i palës nën hetim për të pasur akses tek dokumentat e veta me qëllim pengimin e tij për mbrojtje efektive ështëbanditizëm, akt i mirëfilltë politik, një dhunim i hapur i të gjithë garancive kushtetuese dhe konventave në të cilat aderon Shqipëria.
Në seancën e konfirmimit të masës sësigurisë, avokatëve u është dhënë 4-5 orë për të lexuar 42 volume me nga 500 faqe secili dhe dosjet me prova iu dhanë avokatëve vetëm në datë 1 ose 2 Nëntor. Deri atëherëata nuk kishin asnjë akses në dokumenta mbi të cilat do të ndërtonin mbrojtjen. Jamabër Malltezi deri sot në mëngjes nuk ka pasur akses mbi dosjen e provave të prokurorisëndaj tij.
Avokatët e Sali Berishës nuk kanë pasur mundësi të shohin dosjen. U është dhënë tre orë kohë për të lexuar 42 volume me nga 500 faqe dhe u ka qëndruar tek koka oficeri igjykatës që të mos u bënin foto dokumentave.
Partia Demokratike denoncon me forcën mëtë madhe mbajtjen nga Edi Rama, të burgosur politik me akuza fallco dhe në shkelje të rëndëtë Kushtetutës dhe ligjeve të vendit të anëtarit të Këshillit Kombëtar dhe Kryetarit tëDepartamentit të Mjedisit të kësaj partie Prof.Jamarbër Malltezit dhe kërkon lirimin e tij tëmenjëhershëm.
Kryeministri Edi Rama, në konferencën e fundvitit me gazetarët, tha se në 3 mandatet e Partisë Socialiste, 37 raste i përkasin hetimeve për korrupsion apo shpërdorim detyre. Këtë të fundit, Rama e cilësoi një “nocion i cili duhet të rishikohet”.
Sipas tij, SPAK “ka dhënë dënime skandaloze”, ndërsa shtoi si një problem të madh publikimin në media të dosjeve hetimore dhe shtoi se “mesazhet nuk përbëjnë prova dhe nuk mund të jenë arsyeja parësore për të nisur gjyqe”.
“Jo çdokush që hetohet dhe akuzohet nga SPAK ka bërë korrupsion. Shpërdorimi i detyrës është një vepër që iu kthye dhe vetë BE-së, sepse është një term që futet një thes i madh. Sidomos kur jeton në një periudhë kur të gjitha llojet e tenxhereve hidhen përpjetë me gjithë kapakë për burg. BE iu rikthye nocionit me kërkesë të Gjermanisë dhe të Italisë. Ka dalë një direktivë e re për ta riparë këtë nocion, për ta specifikuar. Kushtetuta thotë që janë 3 pushtete të pavarura nga njëri-tjetri. Është pavarësia për të marrë vendime. Te vendimet nuk vjen dot një prokuror të thotë pse e vendose kështu dhe e vendose ashtu. Dhe kjo gjë ka ndodhur. Nëse vendimi im është një vendim që ka një prapavijë të qëllimshme për të përfituar në mënyrë të paligjshme apo për të sjellë një dëm, këtu unë nuk jam i pavarur, këtu vjen drejtësia tek unë”, tha Rama.
“Qysh nga fillimi i këtij kapitulli të SPAK, janë 37 raste. E dini ju sa raste nga këto 37 që përfshijnë funksionarë të niveleve të ndryshme, i përkasin viteve të mandatit të parë e të mandatit të dytë? Janë rreth 80%. Ndërkohë që vetëm një pjesë e vogël e tyre janë raste që lidhen me periudhën më vonë. Në rastet që po flasim kemi nga të gjitha, kemi dënim për prerje pylli për një kryetar bashkie. Është një dënim skandaloz, kryetari i Bashkisë së Fushë-Arrëzit ka hapur një rrugë për komunitetin ku janë prerë disa pemë. Ka bërë burg për prerje pemësh. Rasti është për turp. Ka dhe raste të tjera qe nuk kanë lidhje me korrupsion që hyjnë tek këto raste. Ka dhe raste të tjera që lidhen me pabarazinë në tendera. Kjo është një vepër tjetër, nuk është korrupsion”, shtoi Rama.
“Çfarë do të thotë mesazhe, që kur mesazhet janë prova? Dhe që kur mesazhet janë ushqim për mediat? Dhe që kur mbi bazë mesazhesh bëhen gjyqe si në kohën e gjuetive të shtrigave? Patjetër që mesazhet dhe çdo gjë tjetër janë pjesë e një procesi, por parafytyroni vetëm kaq: çfarë ndodh dhe sa përgjegjës ka secili nga pjesëmarrësit në këto gjyqet e shtrigave kur dikush të dalë i pafajshëm? Për çfarë i duhet më pafajësia atij njeriu kur i është shkatërruar tërësisht jeta dhe familja? Kush ia kthen atij njeriu pas jetën? Prandaj drejtësia demokratike ka vendosur kufij, nuk lejohen shumë nga këto gjëra që ndodhin këtu. Nuk fajësoj mediat, por ata që i ushqejnë me këtë helm. Deri tani kemi një numër të dënuarish shumë të ulët në raport me rastet. Kemi çështje të zvarritura dhe Strasburgu ka evidentuar gjëra të rënda”, shtoi kryeministri.
Albania
“Kemi raketa Javelin dhe tre anije patrulluese”, Rama: Kemi sot ushtrinë më të mirëpaguar, ia kalojmë edhe Serbisë
Gjatë konferencës vjetore me gazetarët, kryeministri Edi Rama foli edhe për ushtrinë dhe sistemin mbrojtës.
Ai u shpreh se vendi ynë ka raketa Javelin dhe tre anije patrulluese.
Ndër të tjera kreu i qeverisë deklaroi se Shqipëria ka sot ushtrinë më të mirëpaguar në rajon, duke ia kaluar kështu edhe Serbisë.
“Kemi ushtrinë më të mirëpaguar në rajon, përfshi edhe Serbinë. Ambicia jonë është që ushtria jonë të arrijë në mesataren e vendeve të NATO-s sa I përket anës financiare. Ky vit na gjen me një sistem raketor Javelin, na gjen me tre anije patrulluese që I kemi dhuratë nga Italia, na gjen me radarë falë bashkëpunimit me Francën. Ajo që mbetet ambicia kryesore është Shqipëria një vend prodhues i industrisë ushtarake.
Do prodhojmë dronët luftarakë dhe sistemet antidron. Në 2026 do të shihni edhe produktet e para. Ne vazhdojmë punën për të bërë kontrata të tjera për industrinë detare dhe ajrore”, u shpreh kryeministri Rama.
Nga Victor Manuel Sanchez Valdes, NORO ESTE
Njoftimi i Departamentit të Thesarit të Shteteve të Bashkuara për vendosjen e sanksioneve ndaj familjes Hysa, e cila është me shtetësi meksikane, por me origjinë shqiptare – për akuzën e pastrimit të parave në favor të fraksionit “Mayiza” të Kartelit të Sinaloas, i shtohet një liste të gjatë lajmesh që lidhin kartelet meksikanë me klane kriminale me origjinë shqiptare dhe ngre pyetjen: pse është bërë kaq e zakonshme lidhja mes organizatave të krimit të organizuar të Meksikës dhe Shqipërisë?
Në Meksikë dihet pak për mafien shqiptare, por ajo është shumë e rëndësishme në nivel ndërkombëtar, pasi, së bashku me ’Ndrangheta-n italiane, përbëjnë dy mafiet që kontrollojnë trafikun e drogës në Evropë dhe, për rrjedhojë, janë ndër aleatët kryesorë ndërkombëtarë të Kartelit të Sinaloas dhe Kartelit Jalisco Nueva Generación (CJNG). Përveç Evropës, ajo ka prani edhe në Shtetet e Bashkuara, Kanada dhe Australi, përmes emigrantëve me origjinë shqiptare të vendosur në këto vende.
Në fund të viteve ’80, si mafia shqiptare, ashtu edhe ’Ndrangheta ishin relativisht të vogla krahasuar me organizata të tjera kriminale, por nga vitet ’90 nisën të rriten falë dy faktorëve kryesorë. I pari ishte dobësimi i mafieve me ndikim të madh për shkak të ndjekjes penale nga qeveritë evropiane, si mafia siciliane (Cosa Nostra), Camorra napolitane, mafia ruse, mafia galiciane apo Union Corse. Në të gjitha këto raste, autoritetet gjetën anëtarë të gatshëm të spiunonin bashkëpunëtorët e tyre, gjë që lejoi ndjekjen penale të shumë udhëheqësve dhe i bëri këto grupe partnerë më pak të besueshme për kartelet meksikanë apo kolumbianë.
Ndërsa “spiunët” dobësonin këto mafie, kartelet meksikanë dhe kolumbianë gjetën te mafia shqiptare dhe ’Ndrangheta aleatët e duhur, pasi në të dy rastet bëhet fjalë për grupe kriminale të përbëra vetëm nga persona me lidhje të drejtpërdrejta familjare – prindër, fëmijë, vëllezër, motra, xhaxhallarë e nipër – çka ul ndjeshëm rrezikun e tradhtisë, pasi lidhja e gjakut është vendimtare.
Faktori i dytë është se, në një kohë të shkurtër, falë diasporës së emigrantëve nga Shqipëria dhe Kalabria (rajon në jug të Italisë, prej nga e ka origjinën ’Ndrangheta dhe që karakterizohet nga të ardhura më të ulëta se pjesa tjetër e vendit), ata arritën të vendosin prani pothuajse në të gjitha vendet e Evropës, veçanërisht në porte, qendra të mëdha financiare, kryeqytete me popullsi të madhe dhe zona me rritje të shpejtë ekonomike.
Për shembull, mafia shqiptare ka prani në qytete shumë të rëndësishme si Londra, Berlini, Parisi, Stokholmi, Stambolli, Nju Jorku, Sidnej, Toronto, Madridi apo Roma, si dhe në porte me trafik të lartë tregtar në Evropë, si Hamburgu në Gjermani, Algeciras dhe Valencia në Spanjë, Antverpeni në Belgjikë dhe Roterdami në Holandë.
Duke qenë se portet janë pika kryesore e hyrjes së drogave si kokaina dhe fentanili në Evropë, dhe mafia shqiptare është ajo që është më e infiltruar në këto pika, ajo bëhet një aleate kyçe për organizata si Karteli i Sinaloas apo CJNG.
Por përveç këtyre dy arsyeve, ekziston edhe një e tretë që e dallon mafien shqiptare: përveç rolit kyç në trafikun e drogës, ajo u ofron organizatave meksikane edhe qasje në një rrjet shumë të gjerë pastrimi parash në Evropë dhe në pjesë të tjera të botës, si Kina.
Shqiptarët investojnë në projekte imobiliare luksoze në të gjithë Evropën; janë pronarë kazinosh, hotelesh, qendrash turistike, spa-sh dhe restorantesh, por gjithashtu kanë krijuar aleanca me kinezë dhe turq për interesa në biznese të vogla me produkte të lira dhe pirateri në qytete të ndryshme.
Po ashtu, janë identifikuar operacione të tyre në qendrat kryesore financiare të Evropës, si Cyrihu, Gjeneva, Frankfurti apo Londra, si dhe blerje kriptomonedhash, përdorimi i platformave të lojërave elektronike apo mashtrime masive përmes mjeteve digjitale.
Në përmbledhje, mafia shqiptare është bërë një partnere shumë e vlefshme për kartelet meksikanë sepse është një nga blerëset më të mëdha të drogës, ka një rrjet të gjerë shpërndarjeje në Evropë dhe vende të tjera, ofron shërbime tepër të rëndësishme si pastrimi i parave dhe madje mund të sigurojë edhe armë të rënda.
Kjo bën të mundur që i njëjti klan shqiptar të ketë marrëdhënie biznesi me kartele armike mes tyre, si Karteli i Sinaloas dhe CJNG, sepse kostoja e prishjes së marrëdhënies është më e lartë sesa tolerimi i mungesës së ekskluzivitetit.
Gjithashtu, është e rëndësishme të theksohet se, ndryshe nga Karteli i Sinaloas apo CJNG, mafia shqiptare nuk është një organizatë e vetme, por shumë të pavarura: çdo klan familjar funksionon si një bandë më vete, me portofolin e vet të bizneseve. Ndryshe nga organizatat kriminale meksikane, të cilat shpesh përplasen dhe konkurrojnë dhunshëm, shqiptarët rrallë përfshihen në konflikte të dhunshme dhe shumicën e kohës bashkëpunojnë mes tyre dhe ndajnë fitimet.
Për këtë arsye nuk është aspak çudi që familja Hysa, e vendosur në Meksikë, dhe që qeveria amerikane e lidh me fraksionin Mayiza, të shërbejë si urë lidhëse me klanet e mëdha evropiane dhe që, përveç pastrimit të parave përmes kazinove, të ofrojë qasje në një katalog shumë të gjerë investimesh në Evropë, gjë që është jashtëzakonisht e vështirë për t’u zbuluar nga autoritetet meksikane. Pikërisht për këtë arsye, prej vitesh marrëdhënia mes organizatave shqiptare dhe atyre meksikane është intensifikuar.
Ndryshim i rregullit të pozicionit jashtë loje, FIFA do që të favorizohen sulmuesit
Tragjedi në Prizren, humb jetën një fëmijë njëvjeçar si pasojë e zjarrit
Futboll mes “acarit”, lojtarët pijnë çaj në fushë
“Që kur mesazhet janë prova?”, Rama: “Shpërdorimi i detyrës” do të rishikohet
Beyoncé shpallet miliardere nga Forbes
“Kemi raketa Javelin dhe tre anije patrulluese”, Rama: Kemi sot ushtrinë më të mirëpaguar, ia kalojmë edhe Serbisë
Britania marrëveshje me Angolën dhe Namibinë për kthimin e emigrantëve
Britania e Madhe refuzon të njohë Somalilandin si shtet të pavarur
Zelensky mohon sulmin me dron ndaj rezidencës së Putinit
Ish-sulmuesi i Anglisë dhe Liverpoolit akuzohet për ‘ngacmim’, pas arrestimit të tij në prill
Shqipëria në histori! Nga fitorja në Serbi te shanset me Poloninë për Botërorin, 2025 në shifra e fakte
Si u krijua aleanca mes mafies shqiptare dhe karteleve të drogës në Meksikë
“Tageszeitung” e Berlinit: “Shumë njerëz në mbarë Evropën Juglindore dëshirojnë personalitete si Kurti si politikanë në vendet e tyre”
Bashkimi me euron do të kishte mbuluar koston e NHS-së
Faqet e para të Gazetave në UK
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shqiptari në Britani shpëton nga deportimi pasi “partnerja nuk i flet shqip”
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Rrëzohet aeroplani në Britani, alarm në aeroportin Southend në Londër
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Këta janë 10 kandidatët më të votuar në Vetëvendosjes
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Emigrantët kthehen, por Shqipëria nuk i mban
Princi William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim
Anomalia e buxhetit, 2 miliardë euro shpenzime në dhjetor
“Katolikët monitoroheshin, myslimanët përgatitnin ushqimet për ta” – si festoheshin Krishtlindjet në komunizëm në Shqipëri
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
Spitalet paralajmëruan se kriza e kujdesit në fund të jetës kërcënon trajtimin
Fqinji me Shqipërinë sapo shkroi historinë
-
UK1 day agoFOTO/ Nëna me dy fëmijët humbën jetën në një zjarr tragjik në Angli
-
Albania1 day agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania3 days ago
Shqiptari në Britani shpëton nga deportimi pasi “partnerja nuk i flet shqip”
-
Sports1 day agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
UK3 days ago
Rrëzohet aeroplani në Britani, alarm në aeroportin Southend në Londër
-
Albania1 day agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
Kosova21 hours agoKëta janë 10 kandidatët më të votuar në Vetëvendosjes
-
Albania2 days ago
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë