Mesfushori çek i klubit të Serie A së Italisë, Jakub Jankto ka thënë se 15 persona në klub janë testuar pozitiv me koronavirus, më tepër se që klubi ka konfirmuar më herët.
Manolo Gabbiadini, Albin Ekdal, Antonino La Gumina, Morten Thorsby, Fabio Depaoli dhe Bartosz Bereszynski janë konfirmuar nga klubi si të prekur nga koronavirusi. Po ashtu fillimisht ishe menduar se edhe Omar Colley është i infektuar, por testi i dytë i doli negativ.
“Gjitha familja ime është e mbyllur në apartament, kështu që është frustruese të jesh në një hapësirë aq të vogël. Unë isha në kontakt direkt me bashkëlojtarët që dolën pozitiv. Tash janë 15 vetë në klub që janë infektuar, por mund të jenë shumë më tepër. Nuk mund të jem i sigurt se jam edhe vet i shëndosh, por ndjehem mirë dhe shpresoj që nuk jam infektuar. Ndoshta e kam virusin dhe nuk e di ende. Por, po tentoj që të mos mendoj për këtë. E gjitha që mund të bëjë është t’i përmbahem rregullave dhe të qëndrojë brenda”, ka thënë Jankto për “Sport.cz”, transmeton Koha.net.
Deri më tash janë konfirmuar 12 lojtarë në Serie A me koronavirus, si dhe disa anëtarë ët stafeve.