Qindra nxënës të shkollave të mesme të Shkodrës morën pjesë në aktivitetet e organizuara në qendër të qytetit në ceremoninë përmbyllëse të Javës Europiane të Mobilitetit.
Synimi i këtyre veprimtarive, të organizuara nga Bashkia Shkodër në bashkëpunim me disa institucione vendore e të huaja, ishte ndërgjegjësimi i qytetarëve për përdorimin e biçikletave dhe shfrytëzimin e mundësive që po krijohen për lëvizje të qëndrueshme.
“Ne do të vijojmë me korsitë e biçikletave, të rrisim gjatësinë e tyre, të rrisim sigurinë. Në këtë kuadër kemi organizuar këtë ditë, ku janë të ftuar ata që mund ta përçojnë sa më mirë këtë mesazh, që janë fëmijët e shkollave, fëmijët e kopshteve për të lëvizur me biçikleta në mënyrën më të sigurt të mundshme,” tha Bekim Mema, shef i Drejtorisë së Zhvillimit Ekonomik, Bashkia Shkodër.
Plani i Mobilitetit, i hartuar nga Bashkia Shkodër dhe që parashikon shtimin e korsive të biçikletave në qytet dhe përtej tij, pritet të shqyrtohet nga Këshilli Bashkiak. Ky plan më parë do të diskutohet me qytetarët në një dëgjesë publike.
“Ka qenë një procedurë e gjatë, sepse edhe dokumentacioni është voluminoz. Sa janë përkthyer gjithë materialet, por edhe investimet janë bërë gjithmonë në dakordësi dhe rakordancë me Planin e Mobilitetit,” u shpreh z. Mema.
Edhe kryebashkiaku I Shkodrës, Benet Beci, përmes një statusi në rrjetet sociale është proncuar sot në lidhje me planin e mobilitetit të hartuar nga bashkia, që sic shprehet Beci hedhë bazat e lëvizshmërisë për Shkodrën moderne.
