Moska do të shqyrtojë të gjitha propozimet për zgjidhjen e konfliktit në Ukrainë nëse ato përmbushin interesat e Rusisë, ka deklaruar ministri i jashtëm rus Sergej Lavrov.
“Ne jemi të gatshëm të shqyrtojmë çdo propozim serioz që do të marrë parasysh realitetet në terren dhe interesat legjitime të Federatës Ruse”, tha ministri rus sot.
Ai tha se disa i kishin dërguar tashmë Rusisë nisma për të zgjidhur konfliktin në Ukrainë, por nga Kievi nuk ka pasur interes për një akord me Rusinë.
