Sondazhet publike jo gjithmonë e bëjnë më të mirën, por duket se demokratët po presin një natë të keqe.
Ish-këshilltari amerikan për Sigurinë Kombëtare, John Bolton, ka thënë se gjendja shpirtërore mes demokratëve sot është “shumë depresive”.
Duke folur për Sky News, ai tha se kjo “parashikon situatë të mirë për Republikanët që do të marrin kontrollin e Dhomës dhe me shumë gjasa edhe Senatin”.
Ai e përshkroi mesmandatin si një “referendum” për presidencën e Joe Biden, duke theksuar se opinioni është i pakënaqur më çështjet duke përfshirë gjendjen ekonomike dhe ligjin e rendin.
Deri nesër, Bolton beson se të dyja palët do ta kthejnë vëmendjen te viti 2024, kur edhe do të mbahen zgjedhjet presidenciale.
“Shumë nga ato që ndodhin në një vit e gjysmë të ardhshëm, do të shtrojnë tryezën për zgjedhjet e ardhshme”, tha ai.
Por për sa i përket nëse Donald Trump do të kandidojë – siç pritet gjerësisht – Bolton tha se ka “pikëpamjen e pakicës” se ish-presidenti nuk do ta bëjë këtë.
Ai tha se beson që Trump nuk do të dëshiron të rrezikojë që të jetë “humbës”.
