Kushtet e marrëveshjes së divorcit të arritura nga Theresa May me Bashkimin Europian janë të papranueshme, deklaroi sot kryeministri i ri britanik, Boris Johnson përpara deputetëve britanikë.
Duke vënë theksin se preferon të largohet nga BE me një marrëveshje, lideri konservator, i cili mori dje detyrën pas dorëheqjes së Theresa May, njoftoi se i kërkoi sot Michael Gove, për të bërë të gjitha përgatitjet edhe për skenarin e një “no deal”.
‘’Marrëveshja e tërheqjes u refuzua tre herë. Kushtet janë të papranueshme për këtë parlament dhe për këtë shtet’’, siguroi Johnson./ATSH/
